د الحاد د خپراوي اثرات پر مسلمانانو او اسلامي ټولنه

خبيث الحاد او سيکولرزم پر مسلمانانو او اسلامي ټولنه باندې زيات بد ديني او دينوي اثرات کوي چې ځينې يې په لاندې ډول دي :

۱- د حکومت او د ژوند د ټولو حالاتو څخه د اسلامي شريعت (حکم بما أنزل الله) له مينځه تلل او د هغه پر ځای د کفري ساختګي قانون تحکيم .

۲- د اسلامي شريعت د قيام او بقاء لپاره د هر ډول هڅو او حرکت ځپل او بدنامول.

۳- په تعليمي نصاب او درسي موادو کې د الحادي ، سکولار او غربي ډيموکراسۍ د مطالبو ځای پر ځای کول او ددې لارې په نوي نسل کې د الحاد خپرول .

۴- د جهاد في سبيل الله له فرضيه څخه انکار کول .

۵- سمت پرستۍ ، ژب پرستۍ او قوم پرستۍ ته دعوت او د مسلمانان تر مينځ په هره ممکنه لاره اختلاف او تفرقې جوړول .

۶- د اسلامي دعوت پر وړاندې د جنګ اعلان

هغه دعوت چې د دوی الحادي او کفري افکارو او عقائدو ته خطر وي .

۷- ارتداد او بي دینی ته په پوره اهتمام دعوت کول .

۸- په ټولنه کې د سکون او قلبي اطمنان له مينځه تلل :

[ وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَى ] (طه: 124).

ژباړه : او چا چې زما له ياد څخه مخ واړاوه ، نو بې شکه چې د هغه ژوند به تنګ وي او مونږ به هغه د قيامت په ورځ ړوند را پاڅوو .

۹- په ټولنه کې د فساد او بد اخلاقي خپرول او په دې سره د کورني نظام او ټولنې پاشل او د عادلانه نظام او عادلانو اقتصاد له مينځه وړل .

۱۱- فردي ژوند :

د خپلوي ، د بل سره کومک ، شفقت او رحم ، مينه او علاقه ، د مشرانو احترام او پر کشرانو ترحم په کلي ډول له مينځه تلل ، حال دا چې اسلام په دې باره کې ډير تينګار کړی دی .

۱۲- يو د بل په سر ، مال او عزت تيری کول : د غرب د ټولنې او د دوی لخوا اشغال شويو هيوادونو حال له چا څخه پټ نه دی چې هلته روزمره څومره جرائم تر سره کيږي .

۱۳- خودکشي او ځان وژنه :

خودکشي او ځان وژنې ته ميلان چې دا د فقر او بې وسۍ په سبب نه بلکي د ټولو امکاناتو سره سره دوی قبلي اطمنان او سکون نلري نو ځکه د غم پر وړاندې صبر نلري او داسې کار ته لاس اچوي .

۱۴- د انتقام اخيستلو اراده : د ټولنې په وګړو کې زيات حسد او کينه او يو د بل څخه نفرت کول .

په هره ټولنه کې چې اسلامي نظام او شريعت حاکم نه وي د هغوی ژوند به د ليوانو په څير وي چې يو له بله په خوف او وېره کې وي ، امن او سکون به نه وي .

۱۵- الهي قهر او غضب .

(رسائل محمد بن إبراهيم الحمد في العقيدة ـ: صـ33: 31).

 ) العلمانية وخطرها على المسلمين/ سليمان ابراهيم صيد الفوائد).

ژباړه : آن لاين اسلامي لارښود

Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي