د قربانۍ ځنې مسائل

په مسافر باندې قرباني شته او که نه ؟
ځواب : که مالک د نصاب وي قربانې ورباندې واجبه ده (کفايت المفتي ج ۸ ص ۱۷۹ ) .
د سود خور سره په قرمانۍ کی شريکيدل جايز دي ؟
ځواب : د سود خور سره شريکيدل نه دې پکار(بحواله سابق )
د قربانۍ د څرمنې مصارف څنګه دي ؟
د څرمنې د قيمت صدقه کول واجب دي ،محتاجو خپلوانو،فقيرانو،مسکينانو يعنی کوم ځايونو کې چې د صدقاتو د مصرف ځايونه دي هلته مصرفيږي  (ويتصدق بجلدها الخ – درمختار۳۳۸/۶ ) .
د قربانۍ څرمني د تنخوا په طور امام ته ورکول جايز دي او که نه ؟
ځواب : د څرمنې قيمت امام يا بل چاته په اجرت کې ورکول جايز نه دي دليل : عن علی ان النبی صلی الله عليه وسلم امره،ان يقوم علی بدنه وان يقسم بدنه کلها لحومها وجلودها وجلالها ولا يعطی فی جزارتها شيئاً (بخاري ) يعنی حضرت علی رضی الله عنه ته نبی صلی الله عليه وسلم حکم وکړ چې زمونږ د قربانۍ د اوښانو ته انتظار کوه او ټول اوښان تقسيم کړه ،غوښه ،چرمن او نور ټول تقسيم کړه او د ذبحې په اجرت کې ددې نه څه شی مه ورکوه ، او که بدون له اجرت ورکولو امام شرعاً مستحق وي نو ورکول يې باک نه لري .
د قربانۍ څرمن د جومات د مصارفو د پاره استعمال کيدای شي ؟
ځواب : که څرمن پخپله د قربانې څيښتن رنک کړی جانماز وغيره څه شی ترې جوړ کړي نو جايز دی مګر داسې کولو ته زمونږ په زمانه څه ضرورت نشته ، نو کله چې څرمن خرڅه شی د هغه صدقه کول پکار دي هغه د جومات په تعمير او نورو مصارفو کې استعمالول جايز نه دي (کفایت المفتي ج ۸ ص ۲۳۲ ) .

آن لاين اسلامې لارښود

Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي