د خپل مضمون ليارې د زده کوونکو په ذهن کې د اسلامي اساسات ځايول

د کيميا او فزيک معلم:

په ځمکه کې ټول شيان الله تعالی د انسان د استفادې لپاره پيدا کړي دي .

الله سبحانه وتعالی فرمايي:[أَلَمْ تَرَوْا أَنَّ اللَّهَ سَخَّرَ لَكُم مَّا فِي السَّمَاوَاتِ وَمَا فِي الأَرْضِ وَأَسْبَغَ عَلَيْكُمْ نِعَمَهُ ظَاهِرَةً وَبَاطِنَةً ..] (لقمان :۲۰ ).

ژباړه:آيا نه وينې چې الله تعالی د آسمانانو او ځمکې ټول شيان تاسې ته تابع کړي او خپل ښکاره او پټ نعمتونه يې ټول پر تاسې تمام کړي دي .

د کيميا او فريک معلم ته پکار ده چې زده کوونکو ته د ماده پرستو دهرينو کوم چې په ماده عقيده لري مردوده عقيده په کله رد کړي او ورته بيان کړي چې :ټول کارونه د الله تعالی په اراده تر سره کيږي ځکه هر کار چې د هر سبب له مخې تر سره کيږي د هغه سبب هم د الله تعالی په واک او اختيار کې دی ځکه د هغه (جل جلاله) مخلوق دی .

د ورېځې د حرکت سبب باد دی، باد د الله تعالی په اراده او امر چليږي، د ورېدو سبب وريځ ده وريځ د الله تعالی په حکم چليږي، د ځمکې د شنه کيدو د پاره سبب باران دی، باران د الله تعالی په حکم اوريږي .

ننی پر مختللی ټنالوجي د الله تعالی په اراده کې شامله ده ځکه ددې ټنالوجۍ کشف او اختراع د انسان په وسيله تر سره شوي ده، او الله تعالی انسان ته ددې ټنالوجي د کشف او اختراع توان ورکړی دی ځکه د هغه په دماغ کې یې په ميليونو حجرات ځای پر ځای کړي چې په هغه کې دا توان شته او دغه حجرات، عصبي سيستم، او د وينې دوران او د زړه او دماغ فعاليت ټول د الله تعالی مخلوق دی او د هغه په امر چليږي.

د موجوده ټنالوجۍ لپاره ټول اسباب الله سبحانه وتعالی اماده او تيار کړي دي

دا چې د اوبو پر سطحه سترې بېړۍ حرکت کوي او نه ډوبيږي د اوبو پاسنۍ سطحې ته يې د ماليکولونو د جمع کيدو خاصيت ورکړی دی، دا خاصليت الله تعالی ورکړی دی .

دا چې الوتکي پر فضا کې ګرځي، فضا له هوا او غازي ماليکولو ډله ده، دا خاصليت الله تعالی ورکړی دی، کوم چې غازاتو ته يې د ماليکولونو د تښتې او فرار خاصيت ورکړی دی .

دا چې نن د مخابراتي سيستم لویه تنالوجي وجود لري دا د هوا د ماليکولونو د حرکت له وجې مينځته راغلی ده، هوا او د هغه واړه زرات او ماليکولونه د هغه سبحانه وتعالی په امر چليږي ځکه چې دا يې ټول مخلوق دی .

«سبحان الله و بحمده سبحانه الله العظيم»

آن لاين اسلامي لارښود

Print Friendly, PDF & Email