چاپلوسي کول څه حکم لري ؟

محترم خدای دې وکړي چې روغ او د ښه صحت لرونکی وې محترمه نن راڅه یو چا پوښتنه وکړه چې ځواب مې ترلاسه نه کړ که مرسته راسره وشي خوشحاله به شو هغه دا چې چاپلوس په شریعت کې څه حکم لري ؟

هدايت الله چابک

ځواب

بسم الله الرحمن الرحيم

چاپلوسی چې په عربې کې ورته (التملق) وايي ، چاپلوسی د حد څخه زياته نرمي ، لطف ، يو چا ته بې حده عاجزي او خضوع کولو ته وايي ، يعنې د يو چا په صفت کولو ، احترام کولو ، نرمي کولو کې افراط ته چاپلوسی وايي، چې په شريعت کې ددې عمل څخه منع راغلی ده ، رسول صلی الله عليه وسلم فرمايلي دي :«ليس من خُلق المؤمن الملقُ » .

يعنې : چاپلوسي کول د مؤمن له اخلاقو څخه نه ده .

تملق او چاپلوسي يو اخلاقي آفت دی چې کله د خپل حق تر لاسه کولو لپاره وي ، کله د غير حق لپاره وي او کله يو انسان ته د طمع لپاره وي، چې د چاپلوسۍ ظاهر د حقيقت خلاف وي ، نو ددې آفت څخه بايد مسلمان ځان وساتي .

آن لاين اسلامي لارښود

Print Friendly, PDF & Email

ځواب دلته پرېږدئ

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي