د اسلام له نظره د ښځې مشري

 آیا ښځوته په اسلام کی دمشری اجازه شته اوکنه په تفصل سره ځواب راکړی

مثل خان – ننګرهار


ځواب

بسم الله الرحمن الرحيم

نه په اسلام کې ښځه پر نارينه باندې مشري نشي کولای بلکي الله سبحانه وتعالی نارينه پر ښځو مشران او اداره چيان ګرځولي دي ، لقوله سبحانه وتعالی : الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ {النساء: 34}.

ژباړه: سړي پر ښځو حاکمان دي له دې کبله چې الله ځېنې د دوی ته پر ځېنو نورو فضيلت ور کړی دی او له دې امله چې نارينه (د ښځو لپاره) خپله شتمني لګوي.

رسول صلى الله عليه وسلم فرمايلي : « لن يفلح قوم ولوا أمرهم امرأةً »

يعنې : هغه قوم به کامياب نه شي د کوم قوم چې د مشرۍ او قيادت چارې د ښځې په لاس کې وي .

ښځه او مور مشري نشي کولای بلکي ښځه او مور د مشرانو د روزنې لومړۍ زانګو او مدرسه ده ، پس ښځه د مشرانو مور ده ، د مشرانو د روزنې لومړۍ زانګو او مدرسه ده.

د امير او مشر د پاره يو شرط چې د څلورو واړو مذاهبو ورباندې اتفاق دی نارينه والی دی ځکه چې دا ډير ستر مسئوليت او خطرناکه دنده ده چې د ښځې د طبيعت او جسم سره مناسبه نه ده او د ښځې د طاقت څخه لوړ کار دی ، امير د فوځ قيادت په غاړه لري او کله خپله هم په جنګ اشتراک کوي، چې دا دنده د ښځې د توان څخه لوړه ده .

جاء في الموسوعة الفقهية :

الذُّكُورَةُ : فَلا تَصِحُّ إِمَارَةُ النِّسَاءِ ، لِخَبَرِ : ” لَنْ يُفْلِحَ قَوْمٌ وَلَّوْا أَمْرَهُمُ امْرَأَةً ” (4) وَلأَنَّ هَذَا الْمَنْصِبَ تُنَاطُ بِهِ أَعْمَالٌ خَطِيرَةٌ وَأَعْبَاءٌ جَسِيمَةٌ تَتَنَافَى مَعَ طَبِيعَةِ الْمَرْأَةِ ، وَفَوْقَ طَاقَتِهَا . فَيَتَوَلَّى الإِمَامُ قِيَادَةَ الْجُيُوشِ وَيَشْتَرِكُ فِي الْقِتَالِ بِنَفْسِهِ أَحْيَانًا .

(الموسوعة الفقهية جزء ۶ ص ۲۱۸ ) .

و ما توفيقي الا بالله عليه توکلت و اليه انيب

آن لاين اسلامي لارښود

Print Friendly, PDF & Email

ځواب دلته پرېږدئ

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي