د څو وختونو لمونځونه په يو وخت کې ادا کول جايز دي ؟

السلام علیکم ورحمة الله وبرکات
مهربانی وکړی لاندی پوښتنی ته ځواب ورکړی.
دلته اروپا کی کی د ژمي ورځي ډیری لنډی وی او نشم کولای چی د ماسپيښين مازدیګر و ماښام لمونځونه په وخت سره وکړم:. اېا ماته اجازه شته چی ماسختن یی يوځآي ادا کم

طارق – لندن انګليستان

ځواب

بسم الله الرحمن الرحيم

د لمانځه د شروطو څخه يو شرط وخت دی چې پنځه لمونځونه په پنځو وختونو (سهار ، ماسپخين ، مازديګر ، ماښام او ماسختن) کې فرض دي .

هر لمونځ به پخپل وخت کې تر سره کيږي کچېرې د خپل څخه وړاندې يا وروسته شي لمونځ نه صحي کيږي ، او يا دا چې څوک د شرعي عذر پرته د دريو وختونو لمونځونه په يو وخت وکړي نه صحي کيږي ځکه د هر لمونځ په خپل وخت کې کول فرض دي .

لقوله سبحانه وتعالی :[ إن الصلاة كانت على المؤمنين كتاباً موقوتاً ] (النساء:۱۰۳/۴).

ژباړه :يقيناً چه لمونځ دی پرمؤمنانو فرض کړي شوی په معلومو وختونو کې.

او د تاسې او په بهر ټولو ميشتو افغانانو ته مو دا نصيحت دی چې پنځه وخته لمونځ په جومات کې ادا کړئ .

ځکه جومات د اسلام له شعائرو څخه دی په غير مسلم هيواد کې د شعائر الله سره د زړه علاقه د سړي ايمان تازه ساتي .

په لندن کې د «ابوبکر صديق رضی الله عنه ) په نوم د افغانانو جامع جومات شتون لري .

و ما توفيقي الا بالله عليه توکلت و اليه انيب

آن لاين اسلامي لارښود

Print Friendly, PDF & Email

ځواب دلته پرېږدئ

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي