هغه څه پرېږده چې تا په شک کې اچوي

له ابو محمد حسن بن علي بن ابي‌طالب څخه روايت دی چې وايي: «دَعْ مَا يَرِيْبُكَ إِلَى مَا لاَ يَرِيبُكَ»([1]).

ژباړه: هغه څه چې تا په شک کې اچوي پرېږده او هغه څه چې تا په شک کې نه اچوي واخله .

تشريح :

دا حديث شريف په دين کې يو ستر اصل دی .

« يَرِيبُكَ » معنی دا چې هغه څه پرېږده چې تا په شک او تشويش کې اچوي او هغه څه وکړه چې په شک کې دې نه اچوي ، په مخکې حديث شريف کې مو ولوستل چې د مشتبهاتو او شکمنو شيانو څخه پرهيز کول د دين او آبرو ساتل دي « إِنَّ الْحَلاَلَ بَيِّنٌ، وَإِنَّ الْحَرَامَ بَيِّنٌ، وَبَيْنَهُمَا أُمُورٌ مُشْتَبِهَاتٌ » د شکمنو څيزونو څخه پرهيز کول د تقوی کمال او د حرامو څخه نجات دی.

شک کول د آرام او سکون ضد دی ، نو دا چې بنده ته آرام او سکون حاصل شي له شکمنو شيانو څخه دې پرهيز وکړي .

او هغه شکونه چې اصل ونلری شيطاني وسواس بلل کيږي هغه لره څه اعتبار نشته ، مثلاً د اودس کولو وروسته سړي ته شک پيدا شي چې ايا ما اودس وکړ او که نه ؟ نو دلته يقين دا دی چې اودس يې کړی دی نور به شکونه ترک کوي ځکه چې دا بې ځای وسواس دي چې د انسان فکر مصروفوي .

اربعين النوويه / شرح ابن سابق رحمه الله

و الله سبحانه وتعالی اعلم

آن لاين اسلامي لارښود

[1]– رَوَاهُ التِّرْمِذِيُّ وَالنَّسَائِيُّ، وَقَالَ التِّرْمِذِيُّ: حَدِيثٌ حَسَنٌ صَحِيحٌ.

Print Friendly, PDF & Email

اترك تعليقاً

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي