د احاديثو او سنتو منکر لاندې څلور ډلې دي

هغه اشخاص یا مذاهب کوم دی چه حدیث دحجت په حیث نه منی؟

عبيد

ځواب

بسم الله الرحمن الرحيم

الخوارج، الشيعة، المعتزلة، المستشرقين

الخـــوارج :

خوارج هغه ډله وه چې د حضرت علی رضی الله عنه پر وړاندې يې بغاوت وکړ او پر ځينې صحابه کرامو يې د مشرک تاپه ولګوله ، کبيره ګناه کوونکی کافر بولي ، په موزو باندې د مسح کولو او د واده شوي کس د رجم کولو او نورو صحيح سنتو څخه يې انکار کړی دی .

الشعية :

امام ذهبي رحمه الله اهل شعيه په دوو ډلو ويشلی دي :

الف : هغه ډله چې حضرت علي رضی الله عنه په ټولو صحابه کرامو باندې افضل ګنې او دا ډله بدعت يان دي کافر نه دي .

ب : هغه ډله چې د مقداد بن اسود ، ابوذر غفاري او سلمان فارسي پرته ټول صحابه کرام (العياذ بالله ) کافر ګڼې او په بی بی عايشه بهتان لګوي ، او دوی په نزد صحيح کتاب چې دوی يې د قران وروسته صحيح کتاب بولي چې د الکافي کتاب دی په دغه کتاب کې يې ليکلي دي : كان الناس أهل ردة بعد موت النبي صلى الله عليه وآله وسلم، إلا ثلاثة: المقداد بن الأسود، وأبو ذر الغفاري وسلمان الفارسي رحمة الله وبركاته عليهم.وفيه أيضاً: إن أهل مكه ليكفرون بالله جهرة، وإن أهل المدينة أخبث من أهل مكة، أخبث منهم سبعين ضعفاً.( الکافي جـ 2، ص400

المعتزلة :

معتزله ډله هم د اهل سنت و الجماعت څخه خارج ده ، د ځينې صحيح سنتو څخه يې انکار کړی لکه :

– دا جايز ګڼې چې امت په خطاء جمع کيدای شي ، حال دا چې صحيح حديث دی چې امت په خطاء او ګمراهۍ نه شي جمع کيدای .

– متواتر اخبار حجت نه ګڼې .

– د صحابه کرامو په عدالت باندې طعن واروي .

– د عذاب قبر څخه انکار کوي .

– په شريعت کې قياس باطل ګڼې او داسې نور .

الاستشراق :

د استشراق کلمه د يهودو، نصاراؤ او نورو غربي علماؤ څيړنې او تحقيقات د ختيځ استوګن (خاورميانه ) د مسلمانانو د دين، کلتور او ټولنيز حالت باندې اطلاق مومي .

استشراق له هغه وخت څخه راپيل شو چې کله د اسلام د فتحې کاروان د اروپا تر دروازو پورې ورسيد.

هغه وخت مسلمانانو د يو واحد خلافت او يوې اسلامي نړۍ بڼه لرله چې هغه وخت مسلمانان په علمي، اقتصادي او ټولنيز لحاظ پرمختللي وو.

اروپا هغه وخت د جهل، بې علمۍ اوغفلت کې يو شاته پاتې ژوند تيرولو، چې وروسته يې د مسلمانانو په اړه څيړنې پيل کړې تر څو په دې پوه شي، چې مسلمانانو دا ستر عظمت او پرمختګ په څه ډول لاس ته راوړی دی .

همدارنګه صلیبي لښکرو په ټول توان سره دوه سوه کاله د اسلام پرضد وجنګيدل ترڅو اسلام له مينځه يوسي خو بې له سختې ماتې او سختو درنو تلفاتو بل څه په لاس ورنغلل .

نوځکه وروسته پدې لټه کې شول چې د جنګ له لاری خو څه ونه شول نو يې دا تصميم ونيولو چې يو شمير پوهانو ته دنده وسپاري تر څو اسلام د ننه څخه مطالعه کړي په فريب او مکر سره خپله حقيقي څهره پټه او د ننه په مسلمانانو کې تخريب وکړي په دوی کې د نفاق اور بل کړي او په زړه کې يې شکونه ور واچوي تر څو کمزوري شي او بلاخره د دوی د شوم او باطل دعوت او استعمار لپاره لاره هواره شي (التنصيرفی البلاد الاسلامية ص 39(

ددې شوم هدف په خاطر يې په اسلامي هيوادو کې د اسلام د تخريب لپاره ځينې مزدوران وروزل لکه :

احمد رضا د قاديانې فرقي مؤسس ، محمود أبو رية كاتب مصري او نور ، په اسلامي هيوادو باندې د غربي ديموکراسۍ تپل ، امريکي پوهتنونه او په اسلامي هيوادونو کې تنصيري حرکتونه او نور ..

آن لاين اسلامي لارښود

Print Friendly, PDF & Email

ځواب دلته پرېږدئ

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي