د ښځې د احکامو په باره کې (40) احاديث ۳ برخه

محتويات (عناوين)

(۲۱ باب ) جبراً د ښځې نکاح کول جايز نه دي او که دښځې ولی او سرپرست هغه جبراً چا ته نکاح کړه نو دا نکاح باطله ده .
21 ـ عبدالله بن عباس رضي الله عنهماروايت کوي چه: «أنَّ جارية بكراً أتت النبي –صلى الله عليه وسلم- فذكرت أنَّ أباها زوجها وهي كارهة، فخيّرها النبي –صلى الله عليه وسلم-»[1].( ابوداود او ابن ماجه ) .
يوې پيغلې نجلې د رسول الله صلی الله عليه وسلم  په حضور  کې عرض وکړ چه : پلار مې يو کس ته واده کړې يم چې هغه مې خوښ نه دی ،رسول الله صلی الله علیه وسلم هغه په خپل اختيار پريښوده .
يعنی هغې ته يې اختيار ورکړه که ژوند ورسره تيروي او که يې ترک کوﺉ .
 (۲۲ باب ) ښځه به د خپل خاوند اطاعت کوي
عَن اَنسٍ قَالَ قَالَ رَسُولُ اللَّهِ صلَّى اللَّهُ عَليهِ وسلَّم اَلْمَرْأة اِذَا صَلَّتْ خَمْسَهَا وَصَامَتْ شَهْرَهَا وَاَحْصَنَتْ فَرْجَهَا وَاَطَاعَتْ بَعْلَهَا فَلْتَدْخُلْ مِنْ اَیِّ اَبْوَابِ الْجَنَّةِ شَاءَتْ (رواه ابو نعيم فی الحلية ) .
د حضرت انس رضی الله عنه نه روايت دی چه رسول الله صلی الله عليه وسلم فرمايي :کومه ښځه چه پنځه وخته لمونځ کوي ،او د رمضان روژه نيسي او د خپل عزت او حيا حفاظت کوی او د خپل خاوند اطاعت کوي نو دهغې خوښه ده چې له کومې دروازي غواړي جنت ته دې ننوځي .
همدارنګه فرمايي : عن أمِّ سلمةَ قالت:
 – قَالَ رَسُولُ اللَّهِ صلَّى اللَّهُ عَليهِ وسلَّم ” أيُّما امرأةٍ ماتتْ وزوجُها عنها راضٍ، دخلتْ الجنَّةَ”(1171 الترمذي ) .كومه ښځه چه پداسې حال کې وفات شئ چې خاوند يې ترې راضي وي نو هغه به جنت ته داخله شي
 (۲۳ باب ) ښځې ته د کوم شرعي غذر پرته د خلع۱ يا طلاق غوښتل حرام دی .
23 ـ ثوبان رضي الله عنه روايت کوي چه رسول الله صلى الله عليه وسلم فرمايلي: «أيما امرأة سألت زوجها الطلاق في غير ما بأس، فحرام عليها رائحة الجنّة»[2].( صحيح رواه اصحاب السنن ) .
هره ښځه چه د کوم عذر او سبب نه پرته له خپل خاوند څخه طلاق وغواړي په هغې د جنت بوی حرام دی .
(۲۴ باب ) د واده په وخت کې د کوچنيو نجونو دپاره سندرې او دائره وهل جايز دي .
24 ـ ربيع بنت معوذ روايت کوي چې : «جاء النبي صلى الله عليه وسلم يدخل حين بُني عليّ، فجلس على فراشي كمجلسك مني، فحعلت جويريات لنا يضربن بالدف ويندبن من قتل من آبائي يوم بدر إذ قالت إحداهن: وفينا نبي يعلم ما في غد، فقال: دعي هذه وقولي بالذي كنت تقولين» ( البخاري ) .
کله مې چه واده وکړ نبی صلی الله عليه وسلم راغې او په فرش باندې داسې لکه ته چې ناست يې کيناست ،د انصارو ځنو وړو نجونو دائره وهلو او د خپلو پلرونو کوم چه د بدر په ورځ مړه شوی وو مرثيه ويلې …
تشريح : په واده کې د نجونو دائره وهل روا دي تر څو خلک په نکاح باندې خبر شي مګر نن ورځ چه په ودونو کې موسيقي رواج لري هغه له هيچا هم پټه نه ده او د ننۍ موسيقي په اړه هم علماء کرامو ډير کتابونه ليکلي دي چه د هغه بيان دلته نا ممکن دی .
خو نن ورځ داسې کسان هم شته چې ننۍ موسقۍ ته د جواز لارې برابروي او دغه ستره بلا چه د يوې ټولنې د اخلاقي زوال سبب ګرځي د ګناه په سترګه نه ګوري .
رسول الله صلی الله فرمايي : لَيَكُونَنَّ مِنْ أُمَّتِي أَقْوَامٌ يَسْتَحِلُّونَ الْحِرَ، وَالْحَرِيرَ، وَالْخَمْرَ، وَالْمَعَازِفَ …. (البخاري )
ژباړه : ژباړه : يقيناً زما په امت کې به داسې کسان پيداشي چې دوی به دزنا فاحش عمل ،ابريشم ،شراب،ساز او موسيقي حلال بولي
(۲۵ باب ) د خاوند حق پر خپل بی بی زيات دی .
25 ـ له عبدالله بن أبي أوفى رضي الله عنه نه روايت دی چې : رسول الله –صلى الله عليه وسلم- فرمايي: «لو كنت آمراً أحداً أن يسجد لغير الله، لأمرت المرأة أن تسجد لزوجها، والذي نفس محمد بيده لا تؤدي المرأة حق ربها حتى تؤدي حق زوجها، ولو سألها نفسها وهي على قنب لم تمنعه»[3].( ابن ماجه و ابن حبان ) .
که مې دا امر کولای چې يو کس دې بغیر له الله څخه بل چاته سجده وکړي ،نو ښځې ته به مې امر کړې وای چې خپل خاوند ته سجده وکړي ،قسم په هغه ذات چه زما نفس د هغه په واک کې دی ښځه به تر هغه پورې د خدای حق ادا نه کړي څو پورې چې د خپل خاوند حق ادا نه کړی ،که خاوند له خپلې بی بی څخه څه شی وغواړي ولو که هغه د اوښ د زين په سر هم وي هغه بايد قبول کړي او دهغه منع ونه کړي .
د اوښ د زين نه مطلب دادی چې بايد فوراً يې تر سره کړي
(۲۶ باب ) کوم ښځه چې د خپل خاوند بستره ترک کړي فرښتې په هغې باندې لعنت وايي .
26 ـ أبوهريره رضي الله عنه نه روايت دی چه رسول الله صلى الله عليه وسلم فرمايلي : «إذا باتت المرأة مهاجرة فراش زوجها، لعنتها الملائكة حتى ترجع»[4].( متفق عليه ) .
کله چې کومه ښځه د خاوند بستره (کورواله ) ترک کړي فرښتې تر هغه پورې ورباندې لعنت وايي تر څو بيرته بسترې ته ورشی .
 (۲۷ باب ) د خاوند په نعمتونو کفران کول سخته ګناه ده .
27 ـ عبدالله بن عباس رضي الله عنهما روايت کوي چه رسول الله صلى الله عليه وسلم فرمايلي: «أُريت النار، فإذا أكثر أهلها النساء، يكفرن قيل: أيكفرن بالله؟ قال: يكفرن العشير، ويكفرن الإحسان، لو أحسنت إلى إحداهن الدهر ثم رأتْ منك شيئاً قالت: ما رأيت منك خيراً قط» (متفق عليه ) .
ماته د دوزخ اور وښودل شو ومې ليدل چې زياته برخه د هغې ښځې وې ،ځکه چې هغوی کفر اختياروي ، چا وويل ، پر الله کفر اختياروي ؟ ويې فرمايل : په خپل خاوند کفر اختياروي ،په احسان کفر اختياوي ،کچيرې يو له هغې سره يوه دنيا نيکی او ښيګڼې وکړې نو کچيرې يوه غلطۍ او بدۍ له تا څخه وويني نو وايې به چې هيڅکله مې له تا نه خير ونه ليدلو .
(۲۸ باب ) که خاوند ښځې ته په ګناه امر وکړي ښځې ته د هغه قبلول جايز نه دي
28 ـ له عائشه رضي الله عنها روايت دی چه: «أنَّ امرأة من الأنصار زوَّجت ابنتها، فتمعط شعر رأسها، فجاءت إلى النبي –صلى الله عليه وسلم-  فذكرت ذلك له، فقالت: إنَّ زوجها أمرني أن أصل في شعرها، فقال: لا، إنَّه قد لُعن الموصلات» (متفق عليه ) .
يوې انصاري ښځې خپله لور د يو کس سره د واده د پاره له خپل کور څخه را ويستله او (دغه وخت د نجلی ) له سر څخه ويښتان ولويدل او (د نجلی مور ) پيغمبر صلی الله عليه وسلم ته راغله او نوموړی واقع يې هغه ته بيان کړه چه : زما خاوند ماته امر کړی ؤ چې هغې ته نور ويښتان ولګوه ،آنحضرت صلی الله عليه وسلم وفرمايل : داسې مه کوه ځکه څوک چې نور ويښتان لګوي په هغې باندې لعنت دی .
(۲۹ باب ) ښځې ته جايز نه ده چې له خپل مال څخه هديه ورکړي مګر د خاوند په اجازه
29 ـ رسول الله –صلى الله عليه وسلم- فرمايي: «لا يجوز للمرأة أمر في مالها إذا ملك زوجها عصمتها»
( أحمد ،الحاكم اوالنسائي ).
کله چې ښځه خاوند وکړي هغې ته جايز نه ده چې له خپل مال څخه هديه ورکړي مګر د خاوند په اجازه .
 (۳۰ باب ) ښځې ته د خپل خاوند خدمت کول او د هغو کسانو خدمت کوم چې سرپرستي يې د خاوند پر غاړه وي .
30 ـ جابر بن عبدالله رضي الله عنه وايي: «هلك أبي وترك سبع بنات أو تسع، فتزوجت امرأة ثيباً فقال لي رسول الله –صلى الله عليه وسلم-: تزوجت يا جابر؟ فقلت: نعم، فقال: بكراً أم ثيباً؟ قلت: بل ثيباً، قال: فهلاّ جارية تلاعبها وتلاعبك، وتضاحكها وتضاحكك؟ قال: فقلت له: إنَّ عبدالله هلك وترك بنات، وإنّي كرهت أن أجيئهن بمثلهن، فتزوجت امرأة تقوم عليهن وتصلحهن، فقال: بارك الله لك، أو خيراً» (متفق عليه ) .
پلار مې وفات شو او اوه لوڼې ورڅخه پاتې شوې او ما د يوې کونډې ښځې سره واده وکړ ، رسول الله صلی الله عليه وسلم ماته وويل : ای جابر ! آیا واده دې کړی دی ؟ ومې ويل هو ، آنحضرت صلی الله عليه وسلم  وفرمايل : له باکره ( پیغلې ) سره او که له ثيبه (کونډې ) سره ، ومې ويل له کونډې سره ، ويې فرمايل : آيا له نجلی سره دې واده نه دی کړی چې د هغې سره دې شوخي کولی او هغې ستا سره شوخي کولی تا د هغې سره خندلی او هغې ستا سره خندلی ، ومې ويل عبدالله (پلار ) مې وفات شو  اوه لوڼې يې پر ځای پاتې شوې دا مې ښه نه بلله چې د هغوی په شان نجلی سره واده وکړم ، نو د داسې ښځې سره مې واده وکړ چې د هغوی سرپرستي پر غاړه واخلي ، رسول الله صلی الله عليه وسلم وفرمايل : الله دې تاته برکت درکړي ،يايې وفرمايل ښه دې وکړل .
 آن لاين اسلامې لارښود

 

Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي