اولياء د ولي جمع ده او ولي دوست ته وايي څوک چې د الله تعالی (جل جلاله ) او د هغه د رسول الله صلی الله عليه وسلم سره مينه لري د هغه په اوامرو عمل کوي الله تعالی هم هغه دوست ګڼې .

د اهل سنت و الجماعت څلورو واړو مذاهبو دا عقيده ده چې ولی هر هغه مؤمن او مسلمان دی چې تقوی ولري ، د الله تعالی د حدودو حفاظت وکړي او درجه يې په تقوی او نيک عمل پورې اړه لري .

لقوله تعالی : ( أَلا إِنَّ أَوْلِيَاء اللّهِ لاَ خَوْفٌ عَلَيْهِمْ وَلاَ هُمْ يَحْزَنُونَ ، الَّذِينَ آمَنُواْ وَكَانُواْ يَتَّقُونَ ، لَهُمُ الْبُشْرَى فِي الْحَياةِ الدُّنْيَا وَفِي الآخِرَةِ ، لاَ تَبْدِيلَ لِكَلِمَاتِ اللّهِ ذَلِكَ هُوَ الْفَوْزُ الْعَظِيمُ ) يونس/62-64 ) .

ژباړه : واورئ ! بې شکه چې څوک د الله دوستان وي پر هغوی کومه وېره او خواشېني نشته ، هغه کسان چې ايمان يې راوړی او تقوی يې غوره کړې ده .

د دمشق عالم ابن قيم رحمه الله وايي : څوک چې د الله او د هغه د رسول الله قدر کوي د ده به هم د الله تعالی په دربار کې قدر وي د الله (جل جلا له) او د هغه د پيغمبر صلی الله عليه وسلم قدر دا دی چې د هغه د اوامرو ساتنه او قدر وشي . څوک چې د الله تعالی د اوامرو قدر نه ساتي هغه اصلاً د الله (جل جلا له) قدر نه ساتي او الله تعالی هم د هغه قدر نه کوي .

آن لاين اسلامي لارښود

Print Friendly, PDF & Email