يوم القيامة ځکه ورته وايي چې په دې ورځ ټول خلکو د حساب او جزاء لپاره را ټوليږي او يوم الآخر ځکه ورته وايي چې دا آخري ورځ ده .

د قيامت په ورځ ايمان لرل د ايمان پنځم رکن دی ، د قيامت په ورځ ايمان لرل شامل دي: ایمان په بیا ژوندې کېدو ، حساب ، ميزان ، جنت او دوزخ باندې .

أصلُ التوحيدِ وما يصحُ الاعتقادُ عليهِ، يجبُ أنْ يقولَ: ءامنتُ باللهِ، وملائِكتِهِ، وكتبِهِ، ورُسُلِهِ، والبعثِ بعدَ الموتِ والقدرِ خيرِهِ وشرِّهِ منَ اللهِ تعالى، والحسابِ، والميزانِ، والجنةِ، والنارِ، وذلكَ حقٌ كُلُّهُ.(فقه اکبر) .

ژباړه: په ورځ د قيامت باندې د ايمان راوړلو مقصد دا دی چې د قيامت د ورځې او د هغې څخه وروسته راتلوونکو حالاتو په باره کې چې مونږ ته قرآن او سنتو څه بيان کړي د هغو ټولو منل دي . او دا عقېده لرل چې دا دنيا فنا کېدونکي ده ، او په بيا ژوندې کېدو ، حساب او جزا باندې عقېده لرل دي .

الله سبحانه وتعالی فرمايي :

[إِنَّ الَّذِينَ آمَنُواْ وَالَّذِينَ هَادُواْ وَالنَّصَارَى وَالصَّابِئِينَ مَنْ آمَنَ بِاللَّهِ وَالْيَوْمِ الآخِرِ وَعَمِلَ صَالِحاً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ] (البقرة: ۶۲).

ژباړه: يقيناً هغه څوک چې مؤمنان دي که يهوديان او نصارا او يا صابيان که هر چا پر الله او ورځ د آخرت ايمان راوړی وي او غوره عمل يې کړی وي . نو د الله تعالی په نزد ورته اجر او ثواب دی . نه به پرې ډار وي او نه غم .

د قيامت په ورځ ايمان شامل دی په لاندې امورو باندې :

۱- په قبر کې د ملائکې په پوښتنه کولو او همدارنګه د قبر په نعيم باندې لپاره د اهل طاعت او عذاب لپاره اهل معصيت .

لقوله سبحانه وتعالی :[النَّارُ يُعْرَضُونَ عَلَيْهَا غُدُوًّا وَعَشِيًّا وَيَوْمَ تَقُومُ السَّاعَةُ أَدْخِلُوا آَلَ فِرْعَوْنَ أَشَدَّ الْعَذَابِ] (عافر ۴۶ ).

ژباړه: د دوزخ اور دی چې سهار او ماښام هغوی ته ور وړاندول کيږي او چې کله د قيامت ساعت راشي نو امر به وشي چې آل فرعون سخت عذاب ته داخل کړﺉ.

د بخاري‌ او مسلم‌ په حديث‌ شريف‌ کې له ابن ‌عمر رضی الله عنه نه روايت دی چه‌ رسول‌‌الله صلی الله عليه وسلم فرمايي : «إن‌ أحدكم‌ إذا مات‌ عرض‌ عليه‌ مقعده‌ بالغداة‌ والعشي‌، إن‌ كان‌ من‌ أهل‌ الجنة فمن‌ أهل‌ الجنة‌ وإن‌ كان‌ من‌ أهل‌ النار فمن‌ أهل‌ النار، يقال‌ له‌: هذا مقعدك‌ حتي‌ بعثك‌ الله‌ إليه‌ يوم‌ القيامة ‌» (رواه البخاري و مسلم ) .

ژباړ: کله چې يو د تاسې وفات شي هغه ته به خپل ځای سبايي او بيګايي ورښودل کيږي کچيرې د اهل جنت څخه وي هغه ته به د اهل جنت ځای ور ښودل کيږي او که اهل دوزخ وي هغه ته به د دوزخ ځای ور ښودل کيږي ،او هغه ته ويل کيږي دغه دی ځای ستا تر څو د قيامت په ورځ الله تعالی تا هغه ته وليږي.

۲- په بيا ژوندي کېدو باندې ايمان ، کله چې دوهمه شپلۍ ووهل شي نو خلک د الله حضور ته حاضر کړ شي .

قال الله تعالى[ثُمَّ إِنَّكُمْ بَعْدَ ذَلِكَ لَمَيِّتُونَ- ثُمَّ إِنَّكُمْ يَوْمَ الْقِيَامَةِ تُبْعَثُونَ] (المؤمنون: ۱۵-۱۶).

ژباړه: بيا تاسې له دې وروسته حتماً مړه کيدونکی ياست ، او بيا به د قيامت په ورځ بې له شکه ژوندي راپورته کړای شئ .

۳- د قيامت په ورځ د رسول الله صلی الله عليه وسلم په حوض کوثر باندې ايمان لرل .

لقوله سبحانه وتعالی : [( إِنَّا أَعْطَيْنَاكَ الْكَوْثَرَ..]( الكوثر:۱).

۴- د قيامت په ورځ په حساب او جزا باندې ايمان لرل .

[إِنَّ إِلَيْنَا إِيَابَهُمْ- ثُمَّ إِنَّ عَلَيْنَا حِسَابَهُمْ] (سورة الغاشية:۲۵-۲۶) .

ژباړه: يقيناً چې بيرته به مونږ ته راځئ ، بيا د دوی سره حساب زمونږ کار دی .

۵- په ميزان باندې ايمان لرل ، داسې تله چې د ذرې په اندازه نيک او بد اعمال تلې .

[ وَنَضَعُ الْمَوَازِينَ الْقِسْطَ لِيَوْمِ الْقِيَامَةِ فَلَا تُظْلَمُ نَفْسٌ شَيْئًا ] (الأنبياء :۴۷) .

ژباړه: مونږ به د قيامت په ورځ د انصاف تلې کيږدو نو په هيچا به هيڅ ډول تيری ونه شي .

۶- په پل صراط باندې ايمان لرل ، کوم چې د دوزخ د پاسه جنت ته تير شوی چې هر څوک به د خپل نيک عمل په وسيله له هغه څخه تيږي څوک د سترګو د رپ په شان ، څوک د برق په شان ، څوک د باد په شان ، څوک د آس د تګ په شان …. تيريږي .

۷- په جنت او دوزخ ايمان لرل ، چا چې ايمان راوړی وي او ښه عملونه يې کړي وي هغه به جنت ځي ، او چا چې ايمان نه وي راوړی هغه به هميشه په دوزخ کې وي . او د چا چې ګناهونه پر نيکو کارونو ترانه شوی وي هغو به د څه وخت لپاره دوزخ ته ځي .

لقوله سبحانه وتعالی : [فَأَمَّا مَنْ ثَقُلَتْ مَوَازِينُهُ * فَهُوَ فِي عِيشَةٍ رَاضِيَةٍ * وَأَمَّا مَنْ خَفَّتْ مَوَازِينُهُ * فَأُمُّهُ هَاوِيَةٌ * وَمَا أَدْرَاكَ مَا هِيَهْ * نَارٌ حَامِيَةٌ] (القارعه ) .

۸- د رسول الله صلی الله عليه وسلم په شفاعت باندې ايمان لرل چې الله تعالی هغه ته د شفاعت اجازه کړې ده او په ورځ د آخرت به د خپل امت شفاعت کوي .

نبي صلى الله عليه وسلم فرمايي: « أسعد الناس بشفاعتي يوم القيامة من قال لا إله إلا الله خالصا من قلبه » (رواه البخاري).

ژباړه : د قيامت په ورځ به د خلکو څخه زما د شفاعت زيات سعادت د هغه چا په برخه وي چې چا د زړه په اخلاص سره ويلي وي چې : لا اله الا الله .

آن لاين اسلامي لارښود

Print Friendly, PDF & Email