د ايمان ارکان

د ايمان ارکان ځينې اهل علم اوه بولي لکه : په الله تعالی ايمان ، په ملائکو ايمان ، په آسماني کتابونو ايمان ، په رسولانو ايمان ، په ورځ د آخرت ايمان ، په قدر او شر ايمان او په بيا ژوندې کيدو ايمان .

او ځينې اهل علم يې شپږ بولې : په الله تعالی ايمان ، په ملائکو ايمان ، په آسماني کتابونو ايمان ، په رسولانو ايمان ، په ورځ د آخرت ايمان ، په قدر او شر ايمان .

د دواړو مقصد يو دی ځکه په ورځ د آخرت ايمان اصلاً په بيا ژوندې کيدو همدارنګه : ميزان ، حساب ، دوزخ او جنت باندې ايمان دی .

جبرئل عليه السلام رسول الله صلی الله عليه وسلم ته د اسلام او ايمان په اړه داسې تعليم ورکړی دی :

«الإسلام أن تشهد أن لا إله إلا الله، وأن محمداً رسول الله – صلى الله عليه وسلم -، وتقيم الصلاة، وتؤتي الزكاة، وتصوم رمضان، وتحج البيت إن استطعت إليه سبيلاً ….، قال: فأخبرني عن الإيمان ؟ قال: أن تؤمن بالله، وملائكته، وكتبه، ورسله، واليوم الآخر، وتؤمن بالقدر خيره وشره» ( رواه مسلم) .

ژباړه : اسلام دا دی چې : ګواهي ورکول په دې چې نشته لايق د عبادت مګر الله دی ، او محمد د الله تعالی رسول دی ، او لمونځ اداکول ، او زکات ورکول ، او د رمضان روژه نيول او د حج ادا کول څوک يې توان لري .

ويې ويل ما خبر کړه له ايمان څخه ويې ويل : ايمان دا دی چې : په الله تعالی ايمان ، په ملائکو ايمان ، په کتابونو ايمان ، په رسولانو ايمان ، په ورځ د آخرت ايمان او په قدر او شر ( چې د الله د جانبه دي ) ايمان لرل دي .

آن لاين اسلامي لارښود

Print Friendly, PDF & Email

اترك تعليقاً

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي