غواړم زما دعا  د الله جل جلاله په دربار کی قبول شی
داسی بهترین وظیفه راته وښایه

ډاکتر اسرار احمد

ځواب

بسم الله الرحمن الرحيم

د دعا د قبليدو مطلب او د هغې صورتونه:

ما من مسلم يدعوه بدعوة ليس فيها اثم ولا قطیعة رحم الا اعطاه الله بها احدی ثلاث اما ان يعجل له دعوته واما ان يدخرها له فی الاخرة واما ان يصرف عنه من السوء مثلها قالوا اذاً نکثر قال الله اکثر ( رواه احمد ) .

کوم مؤمن چې دعا کوي په هغه کې د ګناه څه نه وي او نه پکې د صله رحمۍ قطع کول وي نو د الله تعالی د طرف نه هغه ته په دريو صورتونو بدله ورکول کيږي .

يو داچې هغه څه غوښتي وي نو هغه به ورته ورکړشي ، يا به دده  دعا د آخرت د پاره دده د پاره زخيره جوړه کړي ، يا به د آينده د پاره دده څه تکليف او مصيبت ددی دعا په عوض کې لری شي .

صحابه کرامو عرض وکړ چې هره دعا ضرور قبليږي او د هغه په حساب کې ضرور څه ورکول کيږي نو مونږ به ډيرې دعاګانې کوو . رسول الله صلی الله عليه وسلم ورته وفرمايل : الله تعالی سره ددې نه هم زيات دي .

د دعا آداب او د قبوليت شرطونه :

1- اخلاص لله تعالی

2 – د دعا شروع او پای د الله جل جلا له  په حمد ثناء او د رسول الله صلی الله عليه وسلم  په درود باندې .

3-  د دعا د قبليدو پوره يقين کول

4-. د دعا په قبليدو کې بيړه نه کول

5- د دعا په وخت کې د زړه حضور

6-  دعا به فقط الله ته وی او د غیر الله نه به څه نه غواړي (ايک نعبد و اياک نستعين )

7-  په داسې آواز دعا کول چې د خفيه او جهر تر مينځ وي .

8-  په ګناه باندې اعتراف کول او له هغه څخه استعفار کول ، په نعمت اعتراف کول او د هغه شکر ادا کول .

9- د دعا د قبلیدو په وختونو کې او هغه ځايونو کې چې هلته دعا قبليږي .

10- په خشوع او خضوع سره دعا کول .

11- په نيکو او صالحو اعمالو توسل کول او هغه د الله جل جلا له  دربار ته په وړاندې کولو سره او دعا کول .

12-  دعا دری ځله تکرارول .

13- قبلې ته مخامخ کيدل .

14-  په دعا کې لاسونه پورته کول .

15-  که آسانه وي اودس کول .

16- د الله د نزيدوالی د پاره ډير نفلونه کول د هغه نه وروسته دعا او همدارنګه د فرض لمانځه وروسته دعا کول .

17-  د حلال رزق څخه خوړل او څښل

18- دعا به گناه طرف ته غوښتنه او د خپلوي د کټ کولو د پاره نه وي .

19- مور او پلار ، استاذانو ، مجاهدينو ، صالحو کسانو او ټولو مؤمنانو ته دعا .

20- په دعا کې د نيکۍ غوښتنه وي نه د منکر او بدۍ او حلامو امرو .

آن لاين اسلامې لارښود

Print Friendly, PDF & Email