د اسلام دوښمنان څه غواړي :

إن أعداء الإسلام يروجون الحشيش وغيره من المخدرات بقصد إضعاف شباب الأمة الإسلامية وضياع مالها، ورجولتها، وقتل شهامتها، وإفساد عقول رجالها، حتى تستمر في التأخر عن مصاف الأمم المتقدمة، ويتغلب عليها الأجانب، ويقهرها الأعداء، ويستعمرون بلادهم. كما تفعل إسرائيل من ترويج الحشيش والأفيون بين البلاد العربية بقصد هلاكها  (فقه المذاهب الاربعه ).

د چرسو،ترياکو او نورو مخدراتو د ترويج څخه د اسلام د دوښمنانو مقصد دا دی تر څو د اسلامي امت ځوانان ضعيف کړي مالونه يې ضايع کړي ، شهامت او غيرت يې ختم کړي ،عقلونه يې خراب او فاسد کړي ، د يرغل او استعمار د پاره اماده شي او خپلو دوښمنانو ته ماتې ور نشي کړای او ښارونه تر خپل استعمار لاندې راولي ، لکه څنګه چې اسرائيلو په عربي هيوادونو کې چرس او ترياک رواج کړل تر څو هغوی ور باندې هلاک کړي .

دوهم مقصد يې دا دی تر څو دغه ناوړه عمل د اسلام او مسلمانانو پر وړاندې د يوې تبليغاتي وسيلې په توګه وکاروي ، چې وګورئ ددي کار رواجونکي ، توليدونکی مسلمانان دي او دا په اسلامې هيوادونو کې کرل کيږي .

که له ترياکو لاس واخلو نو له لوږې به مړه شو :

شيطان هر وخت سړی په لوږه او فقر ويروي ،قوله تعالی : الشَّيْطَانُ يَعِدُكُمُ الْفَقْرَ (۲۶۸ البقره ) .

شيطان ځکه دا ويره دهغه په زړه کې وراچوي چه په کوم حرام کار او شغل اخته وي هغې ته دوام ورکړي .

مګر چا چې د الله جل جلا له  د ويرې څخه کوم حرام کسب او کار پرېښود الله جل جلا له  د هغه اړتياوې او مشکلات حل او ده ته به تر هغه ښه رزق ورکړي .

وَمَن يَتَّقِ اللَّهَ يَجْعَل لَّهُ مَخْرَجًا ، وَيَرْزُقْهُ مِنْ حَيْثُ لاَ يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ (الطلاق ۲-۳ ) .

او څوک چې د الله څخه ووېرېږي (الله ) ور ته (د ستونزو څخه ) د وتلو لار جوړوي ، او هغه ته د داسې لارې نه رزق ورکوي چې (په خپله ) ګمان نه کوي ، او څوک چې پر الله جل جلا له  توکل وکړي ده د پاره همدا (الله ) کافي دی.

د هيواد په محدود شمير سيمو کې ترياک کرل کيږي او د هيواد زيات مناطق داسې دي چې هلته يو بوټۍ هم نه کرل کيږي نو د دغه سيمو خلک له لوږې مړه شول ؟

او که مو د ترياکو څخه مقصد ډيرې پيسې په لاس راوړل او د عيش ژوند دی ، داسې مه کوئ چې خپله د عيش او آرام ژوند خوښوئ او د بل ژوند تبا کوئ .

بس له الله جل جلا له  څخه ووېريږي چې هغه ته زمونږ ټولو ورتګ دی .

زمونږ خو دغه بيان ديني مسئوليت وو ، منل او عمل ستاسو مسئوليت دی

آن لاين اسلامي لارښود

Print Friendly, PDF & Email