د ورونو او خويندو تر مينځ د ترکې ويش

يو کس وفات شوی د هغه دوه زامن او پنځه لوڼې دي د نوموړي کس څخه 63 منه ځمکه او 103500 افغانی پاتې شوی دی ، اوس دا مال څنګه تقسيم او هر کس ته خپل حق ورکړو .
احمد
ځواب
بسم الله الرحمن الرحيم
زامن او لونې عصبه ګرځې ، زوی د لور په نسبت دوه برخې اخلي ، لقوله سبحانه وتعالی :« يُوصِيكُمُ اللّهُ فِي أَوْلاَدِكُمْ لِلذَّكَرِ مِثْلُ حَظِّ الأُنثَيَيْنِ …..» (النسآء ۱۱ ) .
ژباړه : ښوونه کوي الله تعالی تاسې ته د اولادونو د ميراث په هکله چې : د نارينه برخه د دوه ښځو په انډول ده .
2×2+5=9
ټولې حصې 9 کيږي
د هرې لور برخه :
63(1/9)=7
103500(1/9)=11500
د هر زوی برخه :
63(2/9)=14
103500(2/9)=23000
د هرې لور برخه : 7 منه ځمکه او 11500 افغانۍ
د هر زوی برخه : 14 منه ځمکه او 23000 افغانۍ
يادونه : د ځمکې تقسيم په محلي او رواجې من باندې دقيق نه دی ځمکه بايد په متر مربع ، بسوه او جريب سره اندازه او وويشل شي .
و الله سبحانه وتعالی اعلم
آن لاين اسلامي لارښود

Print Friendly, PDF & Email

ځواب دلته پرېږدئ

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي