السلام عليکم ورحمت الله وبرکاته
محترم و د خدمتونو مو منندوي يم او د پاک رب له دربار څخه د پوره اجر اونور  نيکو اعمالو دتوفيق غوښتونکی يم
هيله ده چي يو ځل بيا د خپل قيمتي وخت زموژ ددي ديني پو ښتني په ځواب کي مصرف کړي
پوښتنه مي داده چي په لمانځه کي ددوو نيتونو تر مينځ (مثلا دما خستن د لمانځه  د فرضو او سنتو تر  مينځ ) خوراک کول خو به لمانځه ته کوم نقصان نه رسوي
هيله ده په دي هکله د قران اوپ حديث په رڼاکي پوره  اطمنان راکړي
مننه


ځواب

بسم الله الرحمن الرحيم

د دوو لمونځو (فرضو ، سنتو او نفلو ) تر مينځ جلاوالی او ځای ته تغير ورکول مستحب او افضل کار دی حتی رسول الله صلی الله عليه وسلم د دوو لمونځونو له يو ځای کولو منع فرمايلي ده .

جناب نبی اکرم صلی الله عليه وسلم څخه روايت دی چې : أَمَرَنَا بِذَلِكَ أَنْ لَا تُوصَلَ صَلَاةٌ بِصَلَاةٍ حَتَّى نَتَكَلَّمَ أَوْ نَخْرُجَ (المسلم)

يعنې : رسول الله صلی الله عليه وسلم مونږ ته په دې باندې حکم کړی دی چې تاسې به دوه لمونځونه نه يو ځای کوئ بلکي د هغه په مينځ کې به د خبرو او وتلو په وسيله ځلاوالی کوئ .

او غوره ځلاوالی دا دی چې سړی به فرض لمونځ په جومات کې کوي او سنت او نفل په کور او يا به د لمانځه ځای ته تغير ورکوي ځکه چې د سجدې ځايونه ډير شي ځکه چې د سجدي ځای به د قيامت په لمونځ کوونکي شهادت ورکوي .

کله چې مؤمن وفات شي ځمکه او آسمان به ورپسې ژاړي او خصوص د ځمکې هغه ځايونه به ورپسې ژاړي چې سجده ورباندې شوی وي .

كما قال البخاري والبغوي لأن مواضع السجود تشهد له كما في قوله تعالى: (يومئذ تحدث أخبارها) أي تخبر بما عمل عليها وورد في تفسير قوله تعالى: (فما بكت عليهم السماء والأرض) أن المؤمن إذا مات بكى عليه مصلاه من الأرض ومصعد عمله من السماء”.

لکن د تاسې د سوال په اړه مې د دوو لمونځونو تر مينځ د ډوډۍ خوړلو شرعي دليل پیدا نه کړه ، د خبرو په قياس سره به ان شآء الله باک نلري ، والله سبحانه وتعالی اعلم

آن لاين اسلامي لارښود

Print Friendly, PDF & Email